aJer 25:20; Lilo 4:21; Gen 10:23,22:21,36:28; 1 Lan 1:17,42
bHez 14:14,20; Jak 5:11
c9:8, 2:3; Gen 17:1
dZaga 16:6
eHlab 34:14
fEsta 1:3
gEsta 5:12
h42:8; Gen 8:20
j1:11, 2:5,9; 1 Kho 21:10,13
k1:13, 2:1; 1 Sam 1:4; 2 Kho 4:8,11,18
lGen 6:2,4, 2:1, 38:7; 1 Kho 22:19; Hlab 89:5-7
m2:2; 2 Sam 24:2; 1 Pet 5:8
n1:1
o10:11
pHlab 128:1,2
qGen 28:14
r2:5, 19:21
t13:15; Isa 65:3; Dute 7:10
u1:13, 2:1; 1 Sam 1:4; 2 Kho 4:8,11,18
v1:5,18
w1 Kho 10:1
xGen 11:28; 2 Kho 24:2; Dan 1:4, 2:2
y1 Lan 12:23
zHlu 7:16; 1 Sam 11:11; Gen 14:15
aa1:4,13
abIsa 21:1; Jer 4:11; Hos 13:15
acJona 3:6
adGen 44:13
aeJer 7:29; Mika 1:16; Isa 15:2, 22:12; Jer 16:6, 47:5, 48:37; Hez 7:18; Levi 21:5; Ezra 9:3
afTshu 5:15; 1 Tim 6:7
ag12:9
ahTshu 5:19; Jak 1:17
aiHlab 113:2; Dan 2:20
aj2:10

Job 1

Ukulingwa kukaJobe lokubekezela kwakhe

1Kwakukhona indoda elizweni leUzi a, ibizo layo lalinguJobe b. Leyondoda yayiphelele-ke, iqondile c, imesaba uNkulunkulu d, ixwaya okubi e. 2Yasizalelwa amadodana ayisikhombisa lamadodakazi amathathu. 3Lemfuyo yayo yayiyizimvu eziyizinkulungwane eziyisikhombisa, lamakamela ayizinkulungwane ezintathu, lezipane zenkabi ezingamakhulu amahlanu, labobabhemi abasikazi abangamakhulu amahlanu, lenceku ezinengi kakhulu. Ngakho lowomuntu wayemkhulu okwedlula bonke abantu bempumalanga.

4Njalo amadodana akhe ahamba enza idili endlini yaleyo laleyo ngosuku lwayo f; athuma abiza odadewabo abathathu ukuze badle banathe lawo g. 5Kwakusithi lapho esephelile amazopha ensuku zedili, uJobe athume, awangcwelise, avuke ekuseni kakhulu, anikele iminikelo yokutshiswa ngokwenani lawo wonke h, ngoba uJobe wathi: Mhlawumbe amadodana ami onile, amthuka ▼
▼ amthuka: Heb  ambusisa.
 uNkulunkulu enhliziyweni yawo j. Wenza njalo uJobe zonke izinsuku.

6Kwasekusiba losuku k lapho amadodana kaNkulunkulu eza ukuzimisa phambi kweNkosi, loSathane laye wafika phakathi kwawo l. 7INkosi yasisithi kuSathane: Uvela ngaphi? USathane wasephendula iNkosi wathi: Ekuzulazuleni emhlabeni lekuhambahambeni kuwo m. 8INkosi yasisithi kuSathane: Ubekile yini inhliziyo yakho encekwini yami uJobe, ngoba kakho onjengayo emhlabeni, umuntu opheleleyo loqondileyo, owesaba uNkulunkulu loxwaya ububi n? 9USathane wasephendula iNkosi wathi: UJobe umesabela ize uNkulunkulu yini? 10Kawumbiyelanga yini yena lendlu yakhe lakho konke alakho inhlangothi zonke o? Ubusisile umsebenzi wezandla zakhe p, lezifuyo zakhe zanda kakhulu elizweni q. 11Kodwa isibili yelula isandla sakho khathesi, uthinte konke alakho r; sibili uzakuthuka ▼
▼ ukuthuka: Heb  ukubusisa.
 ebusweni bakho t. 12INkosi yasisithi kuSathane: Khangela konke alakho kusesandleni sakho; kuphela kuye ungeluleli isandla sakho. Wasephuma uSathane phambi kweNkosi.

13Kwasekusiba losuku u lapho amadodana lamadodakazi akhe ayesidla enatha iwayini endlini yomfowabo olizibulo v. 14Kwasekufika isithunywa kuJobe sathi: Inkabi bezilima labobabhemi besidla emaceleni azo; 15kwasekutheleka amaShebha, akuthatha, atshaya izinceku ngobukhali benkemba, njalo yimi ngedwa kuphela engiphephileyo ukuze ngikubikele w. 16Lesi sisakhuluma, kwafika lesinye, sathi: Umlilo kaNkulunkulu uwile uvela emazulwini, watshisa izimvu lezinceku, waziqeda; njalo yimi ngedwa kuphela engiphephileyo ukuze ngikubikele. 17Lesi sisakhuluma, kwafika lesinye, sathi: AmaKhaladiya x amise amaxuku y amathathu z atheleka phezu kwamakamela, awathatha, atshaya izinceku ngobukhali benkemba, njalo yimi ngedwa kuphela engiphephileyo ukuze ngikubikele. 18Lesi sisakhuluma, kwafika lesinye, sathi: Amadodana akho lamadodakazi akho bebesidla benatha iwayini endlini yomfowabo, izibulo aa. 19Khangela-ke, umoya omkhulu wafika uvela ngaphetsheya kwenkangala, watshaya amagumbi womane endlu, yawela phezu kwamajaha, afa; njalo yimi ngedwa kuphela engiphephileyo ukuze ngikubikele ab. 20UJobe wasesukuma ac, wadabula ibhatshi lakhe ad, waphuca ikhanda lakhe, wawa emhlabathini, wakhonza ae; 21wasesithi: Ngaphuma ngize esiswini sikamama, njalo ngizabuyela khona ngize af; iNkosi ag yapha ah, iNkosi ithethe; kalibusiswe ibizo leNkosi ai.

22Kukho konke lokhu uJobe konanga, kambalelanga ubuwula uNkulunkulu aj.

Copyright information for Ndebele